වර්තමානය වන විට ඉවතලන විද්යුත් උපකරණ වලින් 70% ක් පමණ පොළව යට වැළලී යයි. පසුගිය වසරේ පමණක් වාර්තා ගත ලෙස ඉවතලනු ලැබූ විද්යුත් අපද්රව්ය ප්රමාණය ටොන් මිලියන 41.8 ක් ! මේ අපද්රව්ය ඉවත දැමීම නිසා පරිසරයේ ඉඩ ඇහිරෙන අතර ඒවායින් අවට පරිසරයට විෂ රසායනික ද්රව්ය මුදාහැරෙනවා.
ඇමෙරිකාවේ පර්යේෂකයන් කණ්ඩායමක් විසින් මේ සඳහා නව විසඳුමක් ඉදිරිපත් කර තිබෙනවා. ඒ ඉහල ක්රියාකාරිත්වයක් සහිත තනිකරම දැව ආශ්රයෙන් සෑදුණු අර්ධ සන්නායක චිප හඳුන්වා දීමයි. අප භාවිතා කරන චිප් වල වැඩි ඉඩ ප්රමාණයක් වැයවන්නේ එයට සවිමත් බවක් ලබාදීමටයි. විද්යුත් කොටස් අන්තර්ගත වන්නේ මයික්රෝ මීටර කිහිපයක පරාසයක් තුල පමණයි. මේ චිප් පරිසරයට මුදාහැරුණු පසු ශුද්ර ජීවීන් මගින් දිරාපත් කෙරෙනු ඇත.
මේ චිප් එකේ ශක්තිමත් බව ලබාදෙන කොටස නම්යශීලි දිරාපත්වන සෙලියුලෝස් නැනෝ කෙඳි (cellulose nanofibril (CNF))මගින් ප්රතිස්ථාපනය කෙරී තිබෙනවා. මෙය දැව ඇසුරෙන් ලබාගන්නා සවිමත් පාරදෘශ්ය ද්රව්යය කි.
ඔවුන්ගේ ඊළඟ අභියෝගය වුනේ මේ දැව ආශ්රයෙන් නිමැවුණු චිපය එදිනෙදා භාවිතා වන ගැලියම් ආසනයිඩ් වලින් නිමැවුණු සාමාන්ය චිප් මෙන් ක්රියාකළ හැකි බව පෙන්වීමයි.මේ සඳහා ඔවුන් gallium arsenide ට්රාන්සිස්ටර 1500ක් කුඩා මිලිමීටර 5×6 චිපයකට සවිකර ඇතහදා බැලුවා.
මේ චිප් අනාගතයේ නිෂ්පාදනය වන ඉලෙක්ට්රොනික උපාංග වල දැකගැනීමට හැකි වෙතැයි අපේක්ෂා කරමු.
Comments
Post a Comment