Canon's compact XC10 does high-quality 4K video recording

Canon සමාගමෙන් 4K වීඩියෝ රෙකොර්ඩ් කල හැකි කුඩා ප්‍රමාණයේ කැමරාවක්
Full HD වලින් රෙකෝඩ් කරන වීඩියෝ පට කෙතරම් පැහැදිලි ද කියලා ඕගොල්ලෝ නොදන්නවා වෙන්න බෑ

 ඒත් දිනෙන් දිනම දියුණු වන තාක්ෂණික ලෝකයේ Full HD තීව්‍රතාව අභිබවමින් 4K තාක්ෂනය කරා එළඹෙමින් සිටියි. 4K යනු Full HD ප්‍රමාණයේ දෙගුණයක තීව්‍රතාව යි. ඉතින් මේ පැහැදිලි කමින් රූප රාමු ලබා ගත හැකි නවතම වීඩියෝ කැමරාවක් Canon සමාගම එළිදැක්වීමට සැරසෙයි. එය XC10 ලෙස හැඳින්වේ. මෙය ඩොලර් 2500 කට අලෙවි කිරීමට තීරණය කර තිබෙන අතර එය DSLR කැමරාවක් නොවන බවත් මතක තබාගත යුතුයි. මෙය ප්‍රමාණයෙන් කුඩා වන අතර අඟල් 4.9 x 4.0 x 4.8 ප්‍රමාණයෙන් යුක්ත අතර බර රාත්තල් 2.3කි.

මෙම කැමරාව අඟලක පමණ ප්‍රමාණයෙන් යුත් සෙන්සරයක් භාවිතා කර 3,840 x 2,160 තීව්‍රතාවයෙන් 4K දර්ශන පටිගත කල හැකි අතර 1,920 x 1,080 ප්‍රමාණයේ Full HD දසුන් ලබා ගත හැක. මේ කැමරාව 24.1-241mm f/2.8-5.6 ප්‍රමාණයේ කාචයකින් සහ Wifi පහසුකම් වලින් ද සමන්විතයි.

මෙම කැමරාවෙන් slow motion සහ fast motion දසුන් ද ලබාගත හැකි අතර මෙගාපික්සල් 12 හේ චායාරූප ලබාගැනීමට ද පුළුවන්. කැමරාවේ පසුපස අඟල් 3 ක තිරයක් ඇති අතර මෙමරි කාඩ් දෙකක් එකවර සවිකිරීමේ පහසුකම් ද සලසා තිබේ.

මෙම කැමරාව පිලිබඳ බොහෝ දෙනෙකුගේ අවධානය ඉදිරියේදී යොමු වෙතයි අපේක්ෂා කරන අතර වර්තමානය වන විට සුපිරි ජංගම දුරකථන වලද 4K දසුන් පටිගත කිරීමේ පහසුකම් සලසා ඇති බව මතක් කරන්නට කැමති යි.

උපුටාගැනීම